YENİLƏNİB: Goranboyda qəzada 2 nəfər yandı - VİDEO
Video əlavə olundu
11:35
Goranboyda ağır yol-nəqliyyat hadisəsi nəticəsində avtomobildə yanaraq ölən şəxslərdən birinin kimliyi məlum olub.
Goranboyda ağır yol-nəqliyyat hadisəsi nəticəsində iki nəfər maşında yanaraq ölüb.
Rakus.az xəbər verir ki, Fövqəladə Hallar Nazirliyinin məlumatına görə, “Mercedes” markalı yük avtomobili ilə 20-CH-879 dövlət nömrəli “Ford” markalı minik avtomobilinin toqquşması nəticəsində “Ford”da yanğın baş verib.
Yanğının kəşfiyyatı zamanı minik avtomobilində şəxsiyyəti bilinməyən iki nəfərin yanmış meyiti aşkarlanıb. Cəsədlər yanğınsöndürənlər tərəfindən nəqliyyat vasitəsindən çıxarılaraq aidiyyəti üzrə təhvil verilib.
Yük avtomobili yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
Son məlumata görə ölən şəxslərdən biri 1988-ci il təvəllüdlü Zəminə Mustafayevadır.
