Venesuela böhranı və Norveçin vasitəçiliyi – TƏHLİL
Norveç hökuməti cümə günü Venesuelada siyasi böhranı aradan qaldırmaq məqsədilə danışıqlara vasitəçilik etdiyini təsdiqləyib.
Rakus.az xəbər verir ki, rəsmi Oslo bu açıqlamanı müxalifət lideri Xuan Quaydonun Norveçə nümayəndə heyəti göndərməsindən, ancaq Nikolas Maduro hökuməti ilə danışıqlar apardığını inkar etməsindən sonra verib.
Skandinaviya ölkəsi bildirir ki, Venesuelada “əsas siyasi fiqurların təmsilçiləri ilə ilkin təmaslar” qurulub.
Bu səylər ölkədəki situasiyanı çözməyə töhfə verməyin araşdırma fazasıdır, bəyanatda deyilir.
X.Quaydo Karakasda cümə axşamı keçirilən nümayişdə etirazçılara deyib: “Norveçdə bəzi elçilər var. Oslo tərəfləri bir araya gətirmək istəyir, amma ortada danışıqlar yoxdur. Bu, bizim venesuelalıların hazırladığı və müəyyən etdiyi təşəbbüsü inkişaf etdirməyimiz üçündür. Başqa hər şey spekulasiyadır”.
Birləşmiş Ştatlar və təxminən 50-yə digər ölkə Quaydonu Venesuelanın qanuni prezidenti olaraq tanıyır. Venesuela Birləşmiş Ştatlarla Maduro rejimini hərbi avadanlıqla təmin edən Rusiya və Maduroya yardım məqsədilə qoşun yollamaqda ittiham edilən Kuba arasında gərginliyə səbəb olub.
Venesuela yanvar ayının sonundan etibarən dərin siyasi bir böhran yaşayır. Venesuela Parlamenti müxalifət tərəfindən idarə olunur. Quaydo Maduronun vəzifədə qeyri-qanuni olduğunu söyləyərək, özünü ölkənin müvəqqəti prezidenti elan edib.
