İraq ABŞ və İran arasında vasitəçilik etmək istəyir
İraq iki müttəfiqi – ABŞ və İran arasındakı böhranın həllində vasitəçilik etmək istədiyini bəyan edib.
Rakus.az xəbər verir ki, İraqın Xarici İşlər naziri Məhəmməd Əl-Həkim bu təkliflə iranlı həmkarı Məhəmməd Cavad Zəriflə birgə keçirdiyi mətbuat konfransında çıxış edib.
“Biz yardım və vasitəçilik etməyə çalışırıq. Bağdad qaneedici həll yolu uğrunda çalışacaq. İraq Vaşinqton tərəfindən təktərəfli addımların əleyhinədir” – Əl-Həkim bildirib.
“İran özünü istənilən hərbi və iqtisadi təcavüzdən müdafiə edəcək”, – İranın Xarici İşlər naziri Cavad Zərif deyib.
O vurğulayıb ki, biz özümüzü, bizə qarşı yönəlmiş hərbi və iqtisadi müharibə cəhdindən müdadfiə edəcək və biz bunu güc və müqavimətlə qarşılayacağıq.
Zərif Avropa İttifaqı ölkələrini İranla imzalanmış nüvə sazişini qorumağa çağırıb.
O deyib ki, İran Fars körfəzindəki ərəb qonşuları ilə balanslı münasibətlər qurmaq fikrindədir və onlara hücum etməmək barədə sənəd imzalamağı təklif edib.
