Stiven Siqal Türk filmində çəkiləcək - FOTO
Dünyaca məşhur kino ulduzu və aykido döyüş növü üzrə yeddinci Dan qara kəmər ustası Stiven Siqal Türkiyədə filmə çəkilir.
Rakus.az xəbər verir ki, bu haqda “Milliyet” nəşri məlumat verib.
İyulun 27-də məşhur ulduz Stiven Siqal filimdə çəkilmək üçün Türkiyəyə gələcək. Aktyor real hadisələrə əsaslanan dramatik filmdə çəkiləcək. Film 2015-ci ildə ailəsi ilə birlikdə Yunanıstana getmək istəyərkən qayığın batması nəticəsində həyatını itirən 3 yaşlı suriyalı Aylan Kurdi haqqında bəhs edir.
Çəkilişlər Bodrum şəhərində aparılacaq.
Xatırladaq ki, Suriyada vətəndaş müharibəsindən qaçaraq Yunanıstana getməyə çalışarkən 3 yaşlı Aylan Kurdinin ailəsinin mindiyi qayıq yola düşməyə başlayandan bir neçə dəqiqə sonra hündür dalğalar onu aşırmış, gəminin kapitanı isə qaçmışdı.
Bodrum sahillərində cansız bədəni tapılan körpənin faciəsi 4 il əvvəl bütün dünyanı sarsıtmışdı.
Filmin müəllifi məşhur Türk rejisoru və senaristi Omer Sarıkayadır.
