YENİLƏNDİ: Yol polisi belə rüşvət aldı - VİDEO
Yol hərəkəti qaydalarını pozan iki piyadadan rüşvət alan polislər artıq müəyyənləşib.
Rakus.az xəbər verir ki, bu barədə Bakı Şəhər Baş Polis İdarəsinin mətbuat xidmətinin rəisi, polis mayoru Elşad Hacıyev məlumat verib.
Onun sözlərinə görə, həmin polis əməkdaşları barəsində Bakı Şəhər Baş Polis İdarəsində xidməti yoxlama aparılır.
4 iyul, 15:41
Sosial şəbəkələrdə polis əməkdaşının yol hərəkəti qaydalarını pozan iki piyadadan rüşvət aldığını əks etdirən videogörüntülər yayılıb.
Rakus.az xəbər verir ki, görüntü Bakıda qeydə alınıb.
Videodan aydın olur ki, yol polisi hər iki gəncdən 10 manat pul alaraq onlara qanunla nəzərdə tutulan protokolu yazmır.
Hər iki piyada ayrı-ayrılıqda 10 manat verərək polisi razı salıb ərazidən uzaqlaşır.
Xatırladaq ki, yolu təyin olunan yerdən keçməyən piyadalar üçün 40 manat cərimə nəzərdə tutulub. Cərimələnən hər bir şəxs yazılan protokola uyğun olaraq banka ödəniş etməlidir.
