Tramp Consonu dəstəkləyir
ABŞ prezidenti Donald Tramp Böyük Britaniyanın sabiq XİN rəhbəri Boris Consonu bu ölkənin baş naziri vəzifəsinə namizəd qismində dəstəkləyir.
Rakus.az xəbər verir ki, bu barədə ABŞ prezidenti Ağ Evdə jurnalistlərin sabiq XİN rəhbərinin baş nazir vəzifəsinə təyin edilməsinin mümkünlüyü barədə sualını cavablandırarkən deyib.
D.Tramp bildirib: “Mənim Boris Consondan çox xoşum gəlir. O, mənim dostumdur”.
ABŞ prezidenti “Brexit”in uğurla həyata keçiriləcəyinə ümid etdiyini və Tereza Meyin səylərini dəstəklədiyini də bildirib: “Mey güclüdür, möhkəmdir, o, mübarizə aparır”.
Xatırladaq ki, daha əvvəl Böyük Britaniyanın baş naziri Tereza Meyin mətbuat xidməti bildirib ki, T.Mey öz partiyasından olanlara ölkəsi Avropa İttifaqından çıxdıqdan sonra istefaya gedəcəyini söz verib. (TASS)
