BNA qəza ilə bağlı araşdırma apardı
Bu gün səhər saat 06:30 radələrində Xırdalan dairəsində zəncirvari yol nəqliyyat hadisəsi baş verib.
Rakus.az xəbər verir ki, Bakı Nəqliyyat Agentliyindən bildirilib ki, hadisə ilə bağlı müvafiq araşdırma aparılıb.
“Zəncirvari qəzada zərər görən 199 nömrəli müntəzəm marşrut xətti üzrə daşıyıcı şirkət “Xaliq Faiqoğlu” MMC-dən verilən məlumata görə, hadisə 525 nömrəli müntəzəm marşrut xətti ilə hərəkət edən sərnişin avtobusunun işçiləri daşıyan servis avtobusuna dəyməsi nəticəsində baş verib. Həmin vaxt ərazidən keçən 199 nömrəli müntəzəm marşrut xətt üzrə avtobusun sürücüsü qəzadan yayınmaq üçün manevr etsə də, nəqliyyat vasitəsi sürüşərək “Niva” markalı avtomobilə dəyib. “Niva” isə digər minik avtomobilinə dəyib.
Qəza nəticəsində servis avtobusundakı sərnişinlərdən bir neçəsi xəsarət aldığı bildirilir.
Bir daha bütün hərəkət iştirakçılarını xüsusən də sürücülərə ehtiyatlı olmağı tövsiyə edirik”, – deyə məlumatda qeyd edilib.
