Bunları bilirsinizmi?
Qırx beş yaşdan sonra ata olmaq risklidir
ABŞ-da aparılan araşdırmalara görə, 45 yaşdan sonra ata olanların övladlarında sağlıq problemləri daha çox yaranır.
Araşdırmada 25-34 yaş arasında və 45 yaşdan sonra ata olan kişilərin uşaqlarının tibbi vəziyyətləri müqayisə edilib.
Müəyyən edilib ki, 45 yaşdan sonra ata olan kişilərin yeni doğulan övladlarının çəkisi 2,5 kq-dan az olur, onlarda müxtəlif problemlər müşahidə olunur.
Amerikalı mütəxəssislər kişilərə 45 yaşa qədər övlad sahib olmağı tövsiyə edirlər.
Onların fikrincə, kişilərin yaşı artdıqca onların sperması əhəmiyyətli dərəcədə genetik dəyişikliklərə məruz qalır. Sperma mutasiyaya uğrayır, eləcə də hüceyrədə xromosom sayının anormallaşmasına meylli olur. Bu isə 45 yaşdan sonra ata olanların övladlarında sağlamlıq problemlərinə yol aça bilər.
Rakus.az 2019-cu il sentyabrın 1-dən etibarən yeni rubrika ilə oxucuların görüşünə gəlib. “Bunları bilirsinizmi?” başlıqlı xəbərlərdə insan sağlamlığı ilə bağlı araşdırmalar, tibbi sektora aid yeniliklər, eləcə də bir çox xəstəliklərin xüsusiyəti, müalicəsi üçün tövsiyələr, məsləhətlər, həmçinin tətbiq olunan metod və üsullar barədə dolğun məlumat verməkdir. İnformasiyalar yerli və xarici mətbuatdan, səhiyyə üzrə ekspert və mütəxəssislərdən əldə olunur.
