“Hizbullah”dan ABŞ-a sərt ittiham – Livan yeni gərginlik astanasında – TƏHLİL - FOTO
“Hizbullah” ABŞ-ı Livanın yeni hökumətinin qurulmasına müdaxilə etməkdə günahlandırıb.
Rakus.az xəbər verir ki, bu, ABŞ-ın Livanın siyasi və iqtisadi böhranına müdaxiləsi barədəki ən kəskin ittihamdır.
“Hizbiullah” liderinin müavini Şeyx Nəim Qasim “Reuters”ə Livanın 1975-1990-cu illərdə baş verən vətəndaş müharibəsindən bəri görünməyən iqitsadi böhran yaşadığını və ölkədə yeni bir münaqişəyə işarə olmadığını bildirib və deyib ki, “Hizbullah” heç bir münaqişəyə sürüklənməyəcək.
O, həmçinin bəyan edib ki, ölkənin bank sistemindəki iqtisadi böhran Livandakı hər kəsə olduğu kimi şiə qrupunun davamçılarına da eyni təsiri göstərib. Hizbullah korrupsioner məmurların məhkəmə qafrşısına çıxarılması fikrini dəstəkləyib.
İqtisadi böhranla mübarizə aparan Livanda vəziyyət keçən ay ölkəyə hökmdarlıq edən korrupsioner siyasətçilərə və hakim elitaya qarşı etirazların başlamasından bəri daha da ağırlaşıb.
Ölkədə ABŞ dollarının qıtlığı yaranıb, Livan funtu zəifləyib və bank sistemindəki böhran bankların əmanətçilərinə nəzarət tətbiq etməsinə səbəb olub.
Etirazlar Saad Əl-Həririni baş nazir vəzifəsindən istefasına və güclü silahllanmış Hizbullahın da daxil olduğu koalisiya hökumətinin devrilməsinə səbəb olub.
Livanda illərdən bəri keçirilən ən irimiqyaslı etirazlar ölkənin müxtəlif təriqətlərinə mənsub olan insanları küçələrə çıxarıb. Müsəlman və ya xristian olmasından asılı olmayaraq, ölkənin bütün siyasi liderləri tənqidlərə məruz qalıb.
İki gün əvvəl Livan Prezidenti Mişel Aun “Tvitter” səhifəsində ABŞ Prezidenti Donald Trampın Livan xalqının ehtiyaclarına cavab verən yeni hökuməti ilə işləməyə hazır olduğunu yazıb.
ABŞ-ın dövlət katibi Mayk Pompeo Həririnin istefasından sonra Livan liderlərini islahatlar apara və mübarizə edə bilən yeni bir hökumət qurmağa çağırıb.
Saad Əl-Həriri oktyabrın 29-da koalisiya hökumətini buraxaraq, Livanın baş naziri vəzifəsindən istefa verib. O, hakim elitaya qarşı böyük etirazlar nəticəsində baş verən böhranı həll etməyə çalışarkən hökumətin heç nə edə bilmədiyini deyib.
Qərb və körfəzin sünni ərəb müttəfiqləri tərəfindən dəstəklənən Həririnin gedişi ilə Livan siyasi böhranla üzləşib. Etirazlar Livanın iqtisadi problemlərini daha da artırıb.
Livanda korrupsiya, dövlət pullarının düzgün idarə olunmaması və ölkəni 1975-1990-cu illərdə baş verən vətəndaş müharibəsindən bəri görünməyən iqitsadi böhrana sürükləməkdə ittiham olunan siyasi elitaya qarşı etirazlar günlərlə davam edib.
Ölkədə banklar, məktəblər və bir çox bizneslər bağlanmış, ordu və iğtişaş polisi Livan boyu küçələrə yerləşdirilmişdi.
