Sarkisyanın cinayət işi – Paşinyanın böyük qorxusu – TƏHLİL - FOTO
Ermənistan baş naziri Nikol Paşinyanla keçmiş Prezident Serj Sarkisyan arasında bir növ gizli atəşkəs anlaşması varmış və dekabr ayında Paşinyan bu anlaşmanı ilk atəşlə pozub.
Rakus.az xəbər verir ki, bu barədə erməni müəllif Mamikon Babayanın “Vestnik Kavkaza” portalında dərc olunmuş məqaləsində bildirilir.
Məqalədə qeyd edilir ki, yanvarın əvvəlində Serj Sarkisyana qarşı 1 milyon dollarlıq israfla bağlı cinayət işi var. Amma həm də o məlum olur ki, Sarkisyana qarşı cinayət işi dekabr ayında qaldırılıb.
Mamikon Babayan cinayət işinin belə tələm-təlsik qaldırılmasını Nikol Paşinyanın böyük qorxusu ilə izah edir: “Belə fikir yaranır ki, Sarkisyan indiki hakimiyyət üçün həddindən təhlükəli fiqura çevrilib… Böyük ehtimalla, Paşinyan qabaqlayıcı addımlar atır”.
Müəllif Nikol Paşinyanın Qarabağ danışıqlarından yayınmasını da Qarabağ klanından qorxması ilə izah edib: “İndiki erməni ideologiyasının nəzər nöqtəsinə görə qeyri-populyar olan qərarların verilməsinin (Qarabağın və Azərbaycanın yeddi rayonunun işğaldan azad edilməsinin) qaçılmaz olduğunu anlayaraq, erməni diplomatiyası kontakt qruplarının birgə görüşlərində münaqişənin həll olunmasının prinsiplərini qəbul etməkdən qaçırlar. Erməni ictimaiyyətində isə elə fikir dolaşır ki, danışıqlar prosesi ümumiyyətlə qapadılıb, çünki erməni mətbuatında danışıqların gedişi barədə heç bir məlumat verilmir”,- Mamikon Babayan vurğulayıb.
