Livanı etiraz dalğası bürüdü
Livan təhlükəsizlik qüvvələri paytaxt Beyrutda yeni hökumətin qurulduğu parlamentin xaricində toplaşmış qəzəbli etirazçılara qarşı su şırnağı və gözyaşardıcı qaz istifadə edib.
Rakus.az xəbər verir ki, nümayişçilər bir neçə saat əvvəl Baş Nazir Həsən Diab hökumətinin yaradıldığı parlament binası qarşısında yeni qurulmuş barrikadaları dağıtmağa çalışıblar.
Diabın yeni hökuməti keçən ilin oktyabr ayında Baş Nazir Saad Haririnin istefası ilə başlayan çıxılmaz vəziyyətə son qoyub.
Etirazçılar ölkənin on illərlə qarşılaşdığı vəziyyətdən çıxmaq üçün geniş islahatlara və Livanın iqtisadi və maliyyə böhranı ilə mübarizə apara biləcək müstəqil texnokratlardan ibarət bir hökumət qurmağa çağırır.
Böhran bankların nağd pula çıxışı məhdudlaşdırmasına və Livan funtunun dəyərini itirməsinə səbəb olub. İş yerləri itirilib və inflyasiya artıb.
