Suriyada 230-dan çox uşaq öldü
Suriyanın Əl-Xol düşərgəsində 230-dan çox uşaq ölüb.
Rakus.az xəbər verir ki, Suriyanın şimal-şərqindəki Əl-Xol qaçqın düşərgəsində baş verən bu faciəvi vəziyyət haqqında SAR-da döyüşən tərəflərin barışdırılmasının Rusiya Mərkəzinin rəhbəri Viktor Kupçişin məlumat verib.
ABŞ-ın rəhbərlik etdiyi koalisiya nəzarətində olan Əl-Xol düşərgəsindən qaça bilən qaçqın, orada bir humanitar fəlakətin baş verdiyini söyləyib.
Onun sözlərinə görə, uşaqlar da daxil olmaqla, hər gün düşərgədə on – iyirmi nəfər ölür. Beləliklə, ötən həftə ərzində dərman, ərzaq çatışmamazlığı və çətin yaşayış şəraiti nəticəsində düşərgədə yeddi uşaq ölüb. Əl-Xolda ölən uşaqların sayı 235-ə çatıb.
Kupçişin beynəlxalq təşkilatları Fıratdan şərqdə və bütün Suriyada ən böyük düşərgə olan bu sığınacaqda insanların əziyyətlərini aradan qaldırmağa və bunun üçün tədbirlər görməyə çağırıb.
