BDYP: Yol qəzalarında 10 gündə 12 nəfər öldü
“Aprelin 1-dən 10-na qədər respublika ərazisində qeydə alınan yol-nəqliyyat hadisələrində 12 nəfər ölüb”.
Rakus.az xəbər verir ki, bunu Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev məlumat verib.
O bildirib ki, aprelin 1-dən 10-na qədər respublika ərazisində 28 yol-nəqliyyat hadisəsi qeydə alınıb: “Qəzalarda 12 nəfər ölüb, 26 nəfər yaralanıb. Bu hadisələrin altısı Bakı şəhəri ərazisində qeydə alınıb ki, nəticədə, iki nəfər ölüb, dörd nəfər yaralanıb”.
Onun sözlərinə görə, 11 yol-nəqliyyat hadisəsi isə respublikanın müxtəlif rayonlarında baş verib: “Həmin qəzalarda beş nəfər ölüb, 13 nəfər yaralanıb. Daha 11 yol-nəqliyyat hadisəsi respublikanın rayonlararası yollarında qeydə alınıb. Bu qəzalarda beş nəfər ölüb, doqquz nəfər yaralanıb”.
