Bayden Trampı reytinqdə üstələyir
Demokratlar Partiyasından ABŞ prezidentliyə namizəd olan keçmiş vitse-prezident Co Bayden ümummilli seçici dəstəyi reytinqində ölkənin hazırkı Prezidenti Donald Trampı 5% qabaqlayır. Trampın isə, öz növbəsində, ABŞ-ın əsas ştatlarında qələbə qazanmaq üçün böyük şansı var.
Rakus.az xəbər verir ki, ən “mübahisəli” ştatlarda yenə də Tramp liderdir.
“Ölkə daxilində qeydiyyata alınmış seçicilərin 51% Baydeni dəstəkləyir, 46% isə Trampı seçir”, – telekanalın məlumatında deyilir.
Statistikaya görə, keçmiş vitse-prezident qadınlar, qaradərililər və 45 yaşdan yuxarı sakinlər arasında daha populyardır, hazırkı ABŞ lideri isə orta gəlirli ağdərili əhali və gənclər arasında populyardır.
Bundan əlavə, sorğulara əsasən, respondentlərin əksəriyyəti Trampın iqtisadi qabiliyyətlərini rəqibindən daha yüksək qiymətləndirib (54% – Tramp; 42% – Bayden), səhiyyə və koronavirusa qarşı mübarizə məsələsində isə seçicilər demokrata üstünlük veriblər (51% – Bayden; 45% – Tramp).
Trampa mənfi yanaşan respondentlərin ümumi sayı 55% olubsa, Baydendə bu göstərici 46% təşkil edib.
Xat;rladaq ki, ABŞ-da prezident seçkiləri bu il noyabrın 3-də keçirilməlidir. ABŞ vətəndaşları 46-cı dəfə dövlət başçısını seçəcəklər.
