Livanın paytaxtı Beyrutda baş verən partlayışda ölənlərin sayı 100-ü ötüb.
Rakus.az xəbər verir ki, bu barədə məlumatı Livanın Qırmızı Xaç Cəmiyyəti yayıb.
02:09
Livanın paytaxtı Beyrutdakı partlayışlar zamanı 73 nəfər həlak olub.
Rakus.az xəbər verir ki, bu barədə ölkənin Səhiyyə naziri Hamad Hasan açıqlama verib.
O bildirib ki, partlayışlar zamanı 3,7 mindən çox insan xəsarət alıb.
5 avqust\00:10
Livanda baş vermiş güclü partlayış nəticəsində ölənlərin sayı 50 nəfəri keçib.
Rakus.az xəbər verir ki, bu barədə “Al Hadath” telekanalı ölkənin Səhiyyə Nazirliyinə istinadən məlumat yayıb. Məlumata görə, üç min nəfərə yaxın insan da xəsarət alıb.
Ölənlərin arasında tibb işçiləri və həkimlər də var. Artıq paytxatdakı bütün xəstəxanalar dolub.
Yaralılar yaxınlıqdakı bölgələrin xəstəxanalarına aparılır.
23:13
Livanın paytaxtı Beyrutda baş vermiş partlayışda ölənlərin sayı 30 nəfərə çatıb.
Rakus.az xəbər verir ki, ölkənin Səhiyyə Nazirliyi bildirib ki, hadisə nəticəsində üç minə yaxın insan da yaralanıb.
Livanın “Al-Kataib” partiyasının baş katibi Nizar Nacaryan Beyrutda baş vermiş partlayış nəticəsində ölüb.
Bir qədər əvvəl telekanal Nacaryanın ağır yaralandığını və huşsuz vəziyyətdə olduğunu bildirmişdi.
Livanın baş naziri Hassan Diyab baş vermiş güclü partlayışla əlaqədar çərşənbə günü matəm elan edib.
21:44
Beyrutdakı şiddətli partlayışda ən az 10 nəfər həlak olub.
Rakus.az xəbər verir ki, hadisə nəticəsində yüzlərlə insan yaralanıb. Onlarla ev, bina, avtomobil zərər görüb.
Ölənlərin sayının artacağı istisna olunmur.
19:51
Livanın paytaxtı Beyrutda liman yaxınlığında dəhşətli partlayış olub.
Rakus.az xəbər verir ki, partlayış Beyrut limanının 12-ci blokunda baş verib.
“Al Mayadeen” kanalı isə xəbər yayıb ki, partlayış pirotexniki vasitələr saxlanılan anbarda olub.
Partlayışın o qədər güclü olub ki, onun təsirindən hətta bir neçə kilometrdəki evlərə də ziyan dəyib.
Sözügedən partlama anının görüntülərini təqdim edirik.
