ABŞ-da «qara çərşənbə günü» dəqiqliyin göstəricisidir – Nobel mükafatçısı
Dünyanı lərzəyə salan 11 sentyabr terroru ilə bağlı Nobel mükafatçısı mövqeyini açıqlayıb.
Rakus.az xəbər verir ki, ekspert Etibar Əliyev bildirib ki, 2001-ci ilin bu günündə iki sərnişin təyyarəsi Nyu-Yorkda Ümumdünya Ticarət Mərkəzinin “əkiz qüllələr”inə çırpıldı. Nəticədə 3 min insan həlak oldu. Müsəlman dünyasının böyük yazıçısı 1988-ci ildə Nobel mükafatına layiq görülmüş Nəcib Məhvuzun bununla bağlı olduqca maraqlı müsahibəsi var. Həmin müsahibədən bir sualın cavabını təqdim edirik.
“Sual: 11 sentyabr Sizi qəfil haqladı?
Cavab: Bu hadisə hər mənada tam gözlənilməz idi. Əvvəllər mən Amerika Birləşmiş Ştatlarını fövqəldövlət, özünü müdafiə etmək qabiliyyətində olan ölkə hesab edirdim. Həmin gün yadımdadır, dostlarımla gəzməyə çıxmışdım, qızım dedi ki, Dünya Ticarət Mərkəzi dağıdılıb, Pentaqonun binası da zədələnib. Mən ona dedim ki, yəqin kinoda görmüsən. Çünki bu mümkün deyildi. 11 sentyabrda, həmin «qara çərşənbə günü» baş verənlər planlaşdırmada əlahiddə dəqiqliyin göstəricisidir, bu isə üçüncü dünya ölkələrinin səviyyəsi deyil.”
