ABŞ Nümayəndələr Palatası impiçment ittihamlarını təsdiqlədi - FOTO
ABŞ Konqresinin Nümayəndələr Palatası prezident Donald Trampa impiçment tətbiq etmək üçün səs verib. Beləliklə, o, 240 ildə bu prosedur tətbiq olunan üçüncü Amerika prezidenti olub.
Rakus.az xəbər verir ki, prezidentə qarşı iki ittiham irəli sürülüb: vəzifə səlahiyyətlərindən sui-istifadə və Konqresə mane olmaq.
Nümayəndələr Palatası səsvermə nəticəsində ittihamın ilk maddəsini impiçment prosedurunun bir hissəsi kimi təsdiqləyib.
230 millət vəkili Trampı vəzifə səlahiyyətlərindən sui-istifadə etməkdə günahlandırmağın lehinə səs verib, 197 konqresmen buna qarşı çıxıb, bir nəfər bitərəf qalıb.
ABŞ Nümayəndələr Palatası ölkə prezidentinə qarşı ittihamın ikinci maddəsini də təsdiqləyib. 229 millət vəkili dövlət başçısının Konqresin istintaqına maneə yaratmaqda ittiham etməsi ilə bağlı da səs verib, 198 konqresmen buna qarşı çıxıb, biri bitərəf qalıb.
Bundan sonrakı ittiham aktı məhkəməyə veriləcək, burada prosedur məhkəməyə çevriləcək. Buna ABŞ Ali Məhkəməsinin sədri rəhbərlik edəcək. Nümayəndələr Palatası belə bir prosesdə əslində ittiham tərəfi kimi çıxış edir və senatorlar münsiflər heyətinin funksiyalarını yerinə yetirirlər. Məhkəmə artıq gələn il baş tutacaq.
