ABŞ: Qocalar da maşın sürür - FOTO
Amerikada doxsan yaşında insanların avtomobil idarə etdiklərinin tez-tez şahidi oluram. Hətta bu yaşda olan adamların velosiped sürdüyünü də görmüşəm. Amma gəlin etiraf edək ki, Azərbaycanda bunları tək-tək ahıl bacarar. Nədənsə bizim insanların evdə hazırlanan keyfiyyətli təamlarla qidalanmasına baxmayaraq, restoran yeməklərinə alışmış amerikalılar azərbaycanlılardan çox yaşayır. Bu gün Azərbaycanda doxsan yaşlı adam artıq uzunömürlü sayılır. İnsanların əksəriyyətinin sağlamlığında yetmiş yaşdan sonra ciddi problemlər yaranır. Səksən yaşdan sonra isə bir çoxu necə deyərlər, canıyla əlləşir. Bütün bunları nəzərə alıb yetmiş-səksən yaşlı ziyalılardan ölkədə baş verən hadisələrə münasibət bildirməsini uman insanları anlaya bilmirəm. İnsan yaşadığı ömrün finalını siyasətə, işə deyil, öz sağlamlığına, istirahətinə həsr etməlidir…
Elman Eldaroğlu,
ABŞ, Miçiqan
