Aralıq dənizində beş ildə 18 mindən çox miqrant ölüb – BMT
BMT-nin Qaçqınlar Agentliy Avropa İttifaqına üzv ölkələri axtarış və xilasetmə işlərini yenidən bərpa etməyə və gəmilərin dənizdə xilasetmə işlərində rolunun kritik olduğunu tanımağa çağırıb.
Rakus.az xəbər verir ki, BMT-nin sözçüsü Qaçqınlar üzrə Ali Komissarlığın sədri Çarli Yaksli bildirib: “Bu il Aralıq dənizində 1000-dən çox miqrant və qaçqın həyatını itirib. Bu `qaranlıq dövr 6-cı ildir davam edir”. Aralıq dənizində faciənin davam etməsinə icazə verilməməlidir”.
Dövlət xəbər agentliyinin verdiyi məlumata görə, beş miqrantın cəsədi bazar ertəsi Mərakeşin Atlantik sahillərindəki Kasablanka yaxınlığında tapılıb.
Avropa Birliyi 2016-cı ildə Ankara ilə Türkiyədən Yunanıstana qaçqın və miqrant axının qarşısının alınması ilə bağlı razılıq əldə etmişdi. BMT-nin Qaçqınlar Agentliyinin açıqladığı məlumata görə, əsasən Liviya və Şimali Afrikadan olmaqla, miqrantların sayı 2015-ci ildən bəri 1 milyondan çox idisə, bu il 78 minə düşüb.
“Əlbəttə, Aralıq dənizini keçməyə çalışanların sayı daha azdır. Beləliklə bu, yolun özünün daha təhlükəli olduğuna işarədir”, – BMT-nin Qaçqınlar Agentliyinin nümayəndəsi Liz Trossel Reuters agentliyinə bildirib.
Həm Qaçqınlar Agentliyinin, həm də Beynəlxalq Miqrasiya Təşkilatının saytında açıqlanan rəqəmlərə görə, 2014-cü ildən bəri Aralıq dənizində 18 mindən çox insan həyatını itirib.
