Avropa peyvəndlə bağlı pasport verilməsini düşünür
Avropa İttifaqında (Aİ) koronavirusa qarşı peyvənd vurduranlara pasport verilməsi barədə düşünülür.
Rakus.az xəbər verir ki, bu barədə Avropa Şurasının rəhbəri Şarl Mişel deyib.
Onun sözlərinə görə, yanvarın 21-də Aİ ölkələrinin dövlət və hökumət başçıları virusa qarşı peyvənd sertifikatlarının tətbiqi məsələsini müzakirə edəcəklər. O, bu mövzuda Avropa əməkdaşlığının zəruri olduğunu qeyd edib.
Bundan əlavə, Avropa Şurasının rəhbəri yalnız koronavirusa qarşı peyvənd edilənlərin Aİ-yə getməsinə icazə verilmə ehtimalı barədə danışıb. O, bunun çox həssas bir mövzu olduğunu qeyd edib, çünki bu vəziyyətdə bir çox Avropa ölkəsində vaksinasiyanın məcburi olacağı fikri yarana bilər.
Avropada koronavirusa qarşı vaksinasiya dekabrın 27-də başlayıb. Birinci mərhələdə Avropa İttifaqı ölkələrinin hər biri prioritet əhalidən azı beş min insanı peyvənd edə biləcəklər.
