“Falkor” gəmisində Avstraliyanın qərb sahillərində tədqiqat aparan Şmitd okeanı İnstitunun alimləri nəhəng canlını lentə alıblar.
Rakus.az xəbər verir ki, bu, suda spiral formasında üzən Apolemia sifonoforu adlı canlıdır.
Sifonoforun xarici halqasının diametri 15 metr, uzunluğu isə 47 metr təşkil edib.
“Mən bir çox ekspedisiyada iştirak etmişəm, lakin ilk dəfədir ki belə bir şey görürəm…Gördüyüm sifonofor koloniyalarının əksəriyyəti 20 santimetr, bəzən 1 metr uzunluğunda olub. Bu koloniya möhtəşəm davranış sərgiləyir”, – deyə alim Rebekka Helm qeyd edib.
Sifonoforlar hidroidlər növünə daxil dalayıcılar fəsiləsinə aid canlılardır. Onlar senosark adlı ümumi bədənə malik koloniya formalaşdırır. Hər senosarkda yüzlərlə, hətta minlərlə klon canlılar – zooidlər olur. Sifonoforlar yırtıcıdır – kiçik orqanizmlər, xərçəngkimilər və balıqlarla qidalanır.
