AzTU-da yeni təyinat oldu
Azərbaycan Texniki Universitetində (AzTU) yeni təyinat olub.
Rakus.az xəbər verir ki, Ali təhsil müəssisəsindən verilən məlumata görə, texnika elmləri namizədi, dosent Malik Qarayev Magistratura və doktorantura şöbəsinə müdir təyin olunub.
Malik Qarayev 1990-cı ildə Azərbaycan Texniki Universitetini (keçmiş Azərbaycan Politexnik İnstitutunu) fərqlənmə diplomu ilə bitirib. O, yeni təyinata qədər Fövqəladə Hallar Nazirliyi Akademiyasının Tədris şöbəsinin rəisi vəzifəsində çalışıb. Əmək fəaliyyətini AzTU-nun Maşınqayırma texnologiyası kafedrasının dosenti vəzifəsində davam etdirib.
Xatırladaq ki, şöbənin əvvəlki müdiri Elçin Rzayev universitetdə keçirilən dekan seçkisində iştirak edərək Xüsusi texnika və texnologiya fakültəsinin dekanı seçilib. O vaxtdan Magistratura və doktorantura şöbəsinin müdiri vəzifəsi vakant olub. (report.az)
