Bakıda 4 dost dənizdə boğuldu
Dünən Pirşağı çimərliyində 4 nəfər batıb.
Rakus.az xəbər verir ki, dənizdə boğulanlar dost olublar. Onlar Sabunçu rayonu Kürdəxanı kənd sakinləridir.
Məlumata görə, onlardan ikisinin meyiti hadisədən bir neçə dəqiqə sonra çıxarılıb, cənazələri ailə üzvlərinə təhvil verilib. Axşam saatlarından FHN əməkdaşları araşdırmaları davam etdirir.
Onların tapılıb-tapılmaması barədə hələ ki, dəqiq məlumat yoxdur.
Əldə etdiyimiz məlumata görə, dünyasını dəyişən gənclərin yanında daha 3 dostu olub. Onların hamısı eyni anda boğulmaq təhlükəsi ilə üz-üzə qalıblar. 3 nəfər dənizdən çıxa bilsə də, 4 nəfər suda boğulub.
Mərhumlardan ikisi nişanlı olub, bir nəfərin isə 2 gün əvvəl toyu olubmuş.
Xatırladaq ki, dünən Bakıda ümumi 6 nəfər nəzarətsiz çimərliklərdə boğularaq dünyasını dəyişib. (Musavat.com)
