YENİLƏNİB: Bakıda güclü yanğın baş verdi - FOTO - VİDEO
Hadisə yerində olan əməkdaşımız bildirir ki, ticarət mərkəzi yararsız hala düşüb. Qonşu binaların sakinləri təxliyyə olunub.
Nizami rayonu ərazisində ticarət və digər təyinatlı obyektlərin yerləşdiyi ərazidə davam edən yanğının söndürülməsinə Fövqəladə Hallar Nazirliyinin Aviasiya dəstəsinin helikopteri cəlb olunub.
Bu barədə FHN məlumat yayıb.
09:15
Bakının Nizami rayonunda yanğın baş verib.
Rakus.az xəbər verir ki, Fövqəladə Hallar Nazirliyindən verilən məlumata görə, hadisə Naxçıvanski küçəsində, 8-ci km bazarının yaxınlığında baş verib..
Məlumatda bildirilir ki, həmin ünvanda yerləşən “Diqlas” ticarət mərkəzində hazırda yanğın davam edir. Ərazi sıx ticarət obyektləri ilə əhatəli olduğundan yanğının miqyasının arta biləcəyi təhlükəsi var.
Əraziyə FHN-in yanğınsöndürən maşınları və canlı qüvvəsi cəlb olunub.
Hazırda hadisə yerində yanğının söndürülməsi işləri aparılır.
