YENİLƏNDİ: Bakıda ticarət mərkəzi yanır - FOTO - VİDEO
“Tikinti materialları bazarında baş verən yanğınla əlaqədar hadisə yerinə artıq 5 briqada cəlb olunub”.
Rakus.az xəbər verir ki, bu barədə Səhiyyə Nazirliyindən bildirilib.
Saat 09:50-yə olan məlumata görə, 2 nəfər tüstüdən zəhərlənmə diaqnozu ilə Kliniki Tibbi Mərkəzin Toksikologiya şöbəsinə gətirilib.
09:55
Bakının Binəqədi rayonu ərazisində yerləşən “EuroHome” tikinti materialları bazarında baş verən yanğını söndürmək üçün Fövqəladə Hallar Nazirliyinin 3 helikopteri cəlb olunub.
Rakus.az xəbər verir ki, bu barədə Fövqəladə Hallar Nazirliyindən bildirilib.
09:46
“Ekologiya postu kimi tanınan ərazidə tikinti materialları bazarına çağırış saat 08:18-də daxil olub”.
Rakus.az xəbər verir ki, bu barədə Səhiyyə Nazirliyindən bildirilib.
Hadisə yerinə 4 Təcili Tibbi Yardım briqadası yollanıb. Saat 09:15 üçün Təcili Tibbi yardım briqadalarına bir nəfər sahibkar müraciət edib. Ona yerində yardım göstərilib.
Fövqəladə Hallar Nazirliyində (FHN) “Çağırış 3” elan olunub.
FHN-dən bildirilib ki, nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.
Hazırda yanğınsöndürmə işləri davam etdirilir.
08:58
Xəbər verdiymiz kimi, Bakı – Sumqayıt yolunda Bnəqədi rayonu ərazisindəki “Eurohome” Ticarət Mərkəzi yanır.
Rakus.az görüntüləri paylaşır:
08:33
Bakıda səhər saatlarında Binəqədi rayonu, Xırdalan dairəsinə yaxın ərazidə yerləşən “Eurohome” Ticarət Mərkəzində yanğın qeydə alınıb.
Rakus.az xəbər verir ki, sözügedən ticarət mərkəzində əsasən inşaat materialları satılır.
