BDAK dünyada dini vəziyyətlə bağlı bəyanatı dərc etdi
ABŞ-ın Beynəlxalq Din Azadlığı Komissiyasının (BDAK) dünyada dini vəziyyətlə bağlı bəyanatı dərc edilib.
Rakus.az xəbər verir ki, Dini Qurumlarla İş üzrə Dövlət Komitəsinin məlumatına görə, eyni zamanda ABŞ hökuməti tərəfindən din azadlığın pozulduğu ölkələrlə bağlı ictimaiyyətə məlumat verilib.
Dövlət Departamentinin məlumatında 1998-ci il tarixli Beynəlxalq Dini Etiqad Azadlığı Aktına əsasən, ölkələr “xüsusi narahatlıq yaradan” və “xüsusi izləmə” olmaqla 2 təsnifat üzrə qruplaşdırılıb.
“BDAK-ın bəyanatında komissiya tərəfindən dərc edilən 2020-ci il hesabatında növbəti dəfə ədalətsizliyə yol verilərək bir sıra ölkələrlə yanaşı, Azərbaycanın da “xüsusi izləmə“ siyahısına daxil olunması tövsiyəsi xatırladılmışdır. Lakin ABŞ-ın dövlət katibinin tövsiyəsi əsasında Azərbaycan bu il “xüsusi narahatlıq yaradan” və ya “xüsusi izləmə” siyahılarına daxil edilməyib”, – Dövlət Komitəsindən bildirilib.
