BDU-nun 100 illiyinə dəvət etsələr də içəri buraxılmadı
“Məndən başqa Şuranın 10 üzvü tədbirə buraxıldı. Adım Mərkəzin kompüterindən çıxmadı”.
Rakus.az xəbər verir ki, bunu təhsil üzrə ekspert Etibar Əliyev bildirib.
O, fikrini belə izah edib: “Tanınmış saytların birindən Konqres Mərkəzində Bakı Dövlət Universitetinin 100 illik yubileyi münasibətilə keçirilən mərasimlə bağlı mövqeyim soruşuldu. Bəli, mən də bu günkü mötəbər tədbirə dəvətli idim. Təhsil nazirliyinin yanında İctimai Şuranın üzvlərini nazirlik dəvət etmişdi. Lakin məndən başqa Şuranın 10 üzvü tədbirə buraxıldı. Adım Mərkəzin kompüterindən çıxmadı. Buna baxmayaraq bitirdiyim Universiteti 100 yaşının tamam olması münasibətilə təbrik edirəm. Universitetimizdən xahişim odur ki, üzürlü səbəblərdən məzunlarının bir qisminin ona lazımı dəstək dura bilməməsini bağışlasın”.
