ABŞ, Türkiyə və Britaniya AzərbaycanI təbrik edir – YENİLƏNDİ
ABŞ Azərbaycanı 26 iyun – Silahlı Qüvvələr Günü münasibətilə təbrik edib.
Rakus.az xəbər verir ki, bu ölkənin Bakıdakı səfirliyinin rəsmi “Facebook” səhifəsində yer alan təbrikdə deyilir:
“Bu gün biz Azərbaycanın Silahlı Qüvvələr Gününü qeyd etməkdə sizə qoşuluruq. Amerikalı və azərbaycanlı hərbçilər illər boyu istər Əfqanıstanın gələcəyi naminə, istərsə də NATO təlimlərində birgə çiyin-çiyinə çalışıblar. Biz birlikdə bir çox terrorizm və narkotik alverinə qarşı mübarizə aparmışıq, regionda və dünyada sülh naminə çox çalışmışıq”.
10:25
Türkiyənin Bakıdakı səfirliyi Azərbaycanı Silahlı Qüvvələr Günü münasibətilə təbrik edib.
Rakus.az xəbər verir ki, “Facebook” səhifəsində yayılan təbrikdə deyilir: “Qardaş Azərbaycanın Silahlı Qüvvələrini 26 iyun – Silahlı Qüvvələr Günü münasibəti ilə təbrik edir, Vətən naminə müqəddəs və şərəfli xidmətlərində uğurlar arzulayırıq”.
Böyük Britaniyanın Bakıdakı səfirliyi də Azərbaycanı Silahlı Qüvvələr Günü münasibətilə təbrik edib.
Təbrik səfirliyin rəsmi “Facebook” səhifəsində yayılıb.
“Silahlı Qüvvələr Gününüz Mübarək! Böyük Britaniya Silahlı Qüvvələr Günü münasibətilə Azərbaycan Silahlı Qüvvələrinə səmimi təbriklərini çatdırır. Ölkələrimiz arasında güclü ikitərəfli münasibətləri inkişaf etdirməyə, həmçinin NATO vasitəsilə və çoxmillətli əməliyyatlar üzrə əməkdaşlıq etməyə davam edirik. COVİD-19-un çətinliklərinə baxmayaraq, azərbaycanlı zabitlər güclü əlaqələri və qarşılıqlı anlaşmanı möhkəmləndirərək Böyük Britaniyada təlimlərinə davam edirlər”, – təbrikdə qeyd olunub.
