Məktəbliləri oğurlamaq istəyən qadının fotosu yayıldı - FOTO
Bakı məktəbində uşaqları oğurlayan qadının peyda olması barədə iddialar var.
İddia olunur ki, paytaxtın İlqar Əliyev adına 96 saylı tam orta məktəbin həyətində, təxminən, 45-50 yaşlı qadın uşaqlara yaxınlaşıb, onları dilə tutaraq oğurlamaq istəyib. Bu zaman orada olan digər valideynlər qadına mane olublar.
Bildirilib ki, qadından başqa, məktəbin qarşısında avtomobildə bir neçə kişi də olub. Həmin şəxslərin qadınla əlbir olduqları iddia edilir.
Bakı Şəhər Baş Polis İdarəsinin (BŞBPİ) Mətbuat Xidmətinin rəisi, polis mayoru Elşad Hacıyev bildirib ki, sosial şəbəkələrdə yayılan məlumatlar nəzarətə götürülüb:
“Tərəfimizdən müvafiq araşdırmalar davam etdirilir”.
Şəbəkədə yayılan fotoları paylaşırıq:
Xatırladaq ki, təqdim etdiyimiz fotoları şagirdlərin valideynləri paylaşıblar.
