Bunları bilirsinizmi?
Qrip zamanı temperaturun müxtəlif vasitələrlə salınması düşünüldüyü kimi heç də yaxşı ideya deyil.
Rakus.az xəbər verir ki, kanadalı alimlər apardıqları araşdırmalar nəticəsində belə qənaətə gəliblər ki, qrip olarkən temperaturun süni şəkildə salınması sağalmaya mane olur, xəstəliyin daha da uzanmasına gətirib çıxarır.
Alimlər bunun niyəsini də açıqlayıblar.
Bildirilir ki, hələ ötən əsrin 70-ci illərində aparılan araşdırmalar nəticəsində məlum olub ki, infeksiya zamanı bədənin temperaturunun yüksəlməsi immun sisteminin virusun çoxalmasının qarşısının alınmasına yönəlmiş normal reaksiyasıdır. Yüksək temperaturda viruslar normal çoxala və yayıla bilmir.
Əgər temperatur müxtəlif vasitələrlə süni yolla salınırsa, bədən virusun normal çoxalması üçün əlverişli vəziyyətə gətirilir, beləliklə, xəstəlik daha uzun müddət davam edir.
Alimlərin fikrincə, temperaturun süni şəkildə salınması bədəni təxminən 1 faiz əlavə xəstələnmə halına yaxınlaşdırır. Bundan başqa, yüksək dərəcəli yoluxma halında temperaturun salınması nəinki xəstəliyin güclənməsinə, hətta ölüm halının baş verməsinə səbəb ola bilir.
Yalnız 38.5 dərəcəni keçdikdə temperaturu salmaq üçün müəyyən addımlar atılması tövsiyə olunur.
