Bunları bilirsinizmi?
Quru dəri qırışların yaranması, tez yaşlanma baxımından daha həssas dəri tipi sayılır.
Rakus.az xəbər verir ki, dərinin quru olması orqanizmdə hər hansı problemin göstəricisi də ola bilər.
Dəridə quruluq hansı səbəblərdən yaranır?
Çox duz qəbulu
Çox duz qəbulu orqanizmdə olan maye tarazlığını pozur və daxildən başlayaraq quruma yaradır.
Az su içmək
Dəri quruluğuna səbəb olan əsas amillərdən biri az su içmək sayılır. Dəri qurudursa, ilk olaraq acqarına və yeməklər arasında gündə ümumilikdə 2 litr su içmək lazımdır. Bununla dəridə olan quruluq probleminin əksər hallarda aradan qaldırmaq mümkündür.
Qalxanabənzər vəzinin problemləri
Tiroid vəzi normal çalışmırsa, onun əlamətlərindən biri də dəri quruluğudur.
Belə bir problemi olan insanlar dərilərini nə qədər nəmləndirməyə çalışsalar da, faydası olmur. Ona görə də tiroid funksiyalarının qaydasına salınması vacibdir.
Qidalanmada yağlardan az istifadə
Yağlar dərinin sağlam, nəm, təravətli görünüşünün olmasında rol oynayır. Təbii ki, söhbət təbii yağlardan gedir. Bu mənada zeytun yağı, Hindistan qozu, fındıq, avokado, balıq yağları vurğulanır.
Ağciyərdə olan problem
Dərinin nəm olmasında ağciyərin böyük rolu var. Ağciyərlərdə olan problemlər, tənəffüs sisteminin normal çalışmaması dəridə quruluq yarada bilər. Dərinin normal nəfəs alması üçün təmiz havaya çıxmaq çox önəmlidir.
C vitamini çatışmazlığı
Nəm və qırışsız dərinizin olmasını istəyirsinizsə, mütləq C vitamini ilə zəngin olan qidaları qəbul edin.
