Ceyhun Bayramov: “Düşmənin məqsədi bu münaqişəyə 3-cü tərəfi qatmaqdır”
1994-cü ildən 2018-ci ilə qədər Azərbaycan Qarabağ münaqişəsi zamanı danışıqlarda düşmənin mövqeyi ilə 2018-ci ildən sonrakı mövqeyi dəyişdi. Baş nazir N.Paşinyanın idarəçiliyi danışıqlar prosesinə daha da zərbə vurmağa başladı.
Rakus.az xəbər verir ki, bunu bu gün keçirilən brifinqdə Azərbaycan Respublikasının Xarici İşlər naziri Ceyhun Bayramov deyib.
O bildirib ki, N.Paşinyanın idarəçiliyi altında 2020-ci ilin iyul ayından etibarən Azərbaycana qarşı hərbi təxribatlara başlayıb:
“Bu təxribatlar avqust ayında da təkrarlanıb. Eyni zamanda son olaraq sentyabrın 27-dən başlayaraq həyata keçirilən hərbi təxribatlar hadisələri dünya ictimaiyyətinə də açıq şəkildə göstərdi. Düşmən ilk gündən mülki əhalini, heç bir hərbi əhəmiyyəti olmayan məntəqələri ağır artilleriya atəşinə tutur.
Bu yeni taktika deyil, düşmən bunu 1990-cı ilin əvvəlində də edib. Onun məqsədi əhali arasında panika yaratmaqdır. Lakin bu təxribatlar, provaksiyalar bitmir. Belə ki, daha bir təxribat Ermənistanın öz ərazisindən Azərbaycanın Daşkəsən, Şəmkir şəhərlərini, mülki yaşayış obyektlərini hədəfə alması oldu. Burada düşmənin məqsədi bu münqaişəyə üçüncü tərəfi qatmaqdır. Biz bunu başa düşürük”.
