Çin ABŞA-ın yeni tariflərini qınadı
Dünyanın iki ən böyük iqtisadiyyatı – Çin və ABŞ arasında yeni gərginlik səbəbilə fond birjasında çaxnaşma yaşanıb.
Rakus.az xəbər verir ki, Çin rəsmiləri xəbərdarlıq edərək deyiblər: “Əgər Donald Trampın planlaşdırdığı kimi tariflər artsa, onlar cavab tədbiri görəcəklər”.
Çin höküməti Prezidnt Donald Trampı iyun ayında Çin Xalq Respublikasının Sədri Si Cinpinlə Pekinin ticarət profisiti və texnolgiya ambisiyaları üzərindəki qarşıdurmaya son qoymaq məqsədilə danışıqların bərpa olunmasına dair əldə etdiyi razılığı pozmaqda ittiham edib.
Cümə günü Banqkokda ASEAN sammitində çıxış edən xarici işlər naziri Vanq Yi ABŞ-ın Çin mallarına tətbiq etdiyi yeni tarifləri qınayıb.
“Çin idxallarına 10 faiz tarif tətbiq etmək konstruktiv deyil və ticarət mübahisəlinin düzgün həll yolu da deyil”, -o deyib.
ABŞ-la Çin arasında ticarət müharibəsi Tramp bəzi Çin mallarına əlavə 10 faizlik tarif tətbiq edəcəyini söyləyəndən sonra intensivləşib. Bu isə supergüclər gələn ay ticarət danışıqlarını davam etdirəcəkləri ilə bağlı razılıq əldə edəndən bir gün sonraya təsadüf edib.
Tramp Çini ABŞ-dan daha çox kənd təsərrüfatı məhsulları almamaqda və ABŞ-a fentanil satışını dayandırmamaqda ittiham edib.
“Çin ABŞ-dan böyük miqdarda kənd təsərrüfatı malları almağa razılaşmışdı, amma bunu etmədi. Bundan əlavə dostum prezidenti Şi dedi ki, fentanilin ABŞ-a satışına son qoyacaq, amma bu da baş vermədi və nəticədə çox sayda amerikalı ölməyə davam edir”, – Tramp söyləyib.
