Bu gün Çempionlar Liqasında 1/4 finalın daha iki görüşü keçiriləcək.
Rakus.az xəbər verir ki, oyunların biri Amsterdamda, digəri isə Mançesterdə baş tutacaq.
“Ayaks” doğma azarkeşlər önündə “Yuventus”u qəbul edəcək. Sürpriz şəkildə “Real”ı yolundan kənarlaşdıran hollandiyalılar növbəti “böyük beşlik” təmsilçisinə qarşı oyunda bu uğurun təsadüfi olmadığını sübut etməyə çalışacaq. “Yuventus” isə qitənin ən nüfuzlu turnirini qazanmaq istəyirsə, səfərdən itkisiz qayıtmalıdır.
Günün digər oyunununda isə ÇL-nin əbədi favoriti “Barselona” “Mançester Yunayted”lə üz-üzə gələcək. Meydan sahiblərinin heyətində Markus Reşfordun taleyinə oyun saatında aydınlıq gələcək. Qonaqlarda isə yalnız Osman Dembelenin vəziyyəti qeyri-müəyyəndi. (Matc.az )
Çempionlar Liqası
1/4 final
10 aprel
23:00. “Ayaks” – “Yuventus”
Amsterdam, “Yohan Kroyff Arena”. Baş hakim: Karlos del Serro Qrande (İspaniya)
23:00. “Mançester Yunayted” – “Barselona”
Mançester, “Old Trafford”. Baş hakim: Canluka Rokki (İtaliya)
