COVİD-19 tibbi maskalarda bir həftə yaşayır – ARAŞDIRMA
Honkonq Universitetinin və Amerika Milli Allergiya və yoluxucu xəstəliklər İnstitutunun bir qrup eksperti COVİD-19 virusunun müxtəlif səthlərdə, o cümlədən tibbi maskalarda nə qədər yaşaya biləcəyini müəyyənləşdirib.
Rakus.az xəbər verir ki, infeksiyanın aktivliyinin yoxlanılması otaq temperaturunda olan laboratoriyalarda aparılıb.
Ekspertlər virusun çap və siqaret kağızında üç saatdan az, emal edilmiş ağacda və laboratoriya gödəkçəsində isə iki gün qaldığını bildirib.
İstifadə edilən tibbi maskalarda isə infeksiyanın bir həftəyə qədər yaşaya biləcəyi məlum olub.
Şüşə və əskinaslarda virus dörd gün, paslanmayan polad və plastikdə isə dörd gündən yeddi günədək yaşaya bilib.
Həmçinin, mütəxəssislər məişətdə istifadə olunan adi dezinfeksiya vasitələrinin, o cümlədən ağardıcıların da koronavirusu məhv edilməsində effektiv olduğunu təsdiqləyiblər.
