Elinayla bağlı video yayıldı - FOTO - VİDEO
Özünü 162 nömrəli məktəbin üçüncü mərtəbəsindən atan səkkizinci sinif şagirdi Elina Hacıyevanın təhsil ocağında son gününün görüntüsü yayımlanıb.
Rakus.az xəbər verir ki, videoda E. Hacıyeva sinif otağında, parta arxasındadır, ətrafdakı partaların arxasında sinif yoldaşları oturub. Dəftəri açır, vərəqə nə isə yazır.
Sonra çantasını qucaqlayıb bir neçə dəqiqə bu vəziyyətdə oturur. Tənəffüs zəngi çalınır, sonra Elina çantasını partanın üstünə buraxıb sinif otağından çıxır.
Dəhlizin ortasına kimi yeriyir, pəncərənin qarşısında dayanır, əyilib corablarını düzəldir, sinfə tərəf baxır, sonra pəncərənin kənarına çıxır, sonra da özünü atır.
Elinanı intihardan sonra məktəbdə sorğu-sual ediblər. Videonun sonunda görüntülərin Elinanın özünü atmasından sonra çəkildiyi bildirilir. Məlum olur ki, qız özün də olsa da vaxtında yardım edilməyib. Qeyd olunur ki, o intihara cəhdən sonra uzun müddət sorğu suala tutulub. Məhz buda ölümə səbəb olub.
Xatırladaq ki, bir neçə gün əvvəl 162 nömrəli məktəbin səkkizinci sinif şagirdi Elina Hacıyeva məktəbin üçüncü mərtəbəsindən özünü atıb. O, yaralı halda xəstəxanaya çatdırılıb. Bir neçə gün sonra isə vəfat edib.
Onun məktəbdə şagirdlərin təzyiqi ilə üzləşdiyi, bu səbəbdən də özünü əvvəlcə dərman içərək, daha sonra isə pəncərədən ataraq öldürmək istədiyi qeyd edilir.
Faktla bağlı Azərbaycan Cinayət Məcəlləsinin 125-ci maddəsi (özünü intihar həddinə çatdırma) üzrə cinayət işi açılıb.
