Koronavirusun dünya üzrə son STATİSTİKASI
Dünyada pandemiyaya yoluxanların sayı 1 838 300 nəfərdir.
Rakus.az xəbər verir ki, ölənlərin sayında da artım var. Belə ki, ümumi ölənlər 113 329 nəfər təşkil edir. Sağalanlar isə 421 767 nəfərdir.
Ən çox ölü və yoluxma faktına ABŞ və Avropada təsadüf olunur.
Ümumdünya Səhiyyə Təşkilatının (ÜST) məlumatında isə dünyada koronavirusa yoluxanların sayı 1 696 588 nəfər təşkil edir.
Bu günə kimi 105 952 insan pandemiyanın qurbanı olub.
Son bir gün ərzində 85 679 yoluxma hadisəsi qeydə alınıb, 6 262 insan ölüb.
Hazırda ən çox yoluxma əvvəlki kimi Avropa regionunda qeydə alınıb. Köhnə qitədə 880 106 nəfər COVID-19 infeksiyası daşıyıcısıdır.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
