Müqəddəs Qurana aid park açıldı
Dubayın əl-Khavaneej rayonunda müsəlmanların müqəddəs kitabı “Qurani-Kərim”ə həsr edilmiş yeni park istifadəyə verilib.
Rakus.az xəbər verir ki, Dubay bələdiyyəsinə istinadla xəbər verir ki, 60 hektar sahədə ziyarətçilər Quranda adı çəkilən 43 bitkini və Peyğəmbərin yeddi möcüzəsini görə biləcəklər. Ziyarətçilər orada möcüzələr mağarası və müqəddəs kitabda adı çəkilən bitkilərin olduğu Şüşə evi gəzə biləcəklər. Parkda banan, zeytun, üzüm, əncir, soğan, mərci, balqabaq və digər bitkilərdən ibarət 12 bağ salınıb. Xüsusi stendlərdə həmin bitkilərin təbabətdə və yeməklərdə istifadə qaydaları barədə məlumat verilir.
Bununla yanaşı, park texniki cəhətdən təchiz olunub – orada günəş paneli, yüksəksürətli internet, üstüörtülü oturacaqlar və mobil telefonların doldurulması üçün stansiyalar quraşdırılıb.
Parka giriş sərbəstdir. (AZƏRTAC)
