Pompeo və Lavrov gələn həftə görüşəcəklər
ABŞ Dövlət katibi Mayk Pompeo və Rusiyanın Xarici İşlər naziri Sergey Lavrov gələn həftə Finlandiyada görüşüb, Vinesuelaya görə aralarında artmaqda olan gərginlikləri müzakirə edəcəklər.
Rakus.az xəbər verir ki, Rusiya mediasının xarici işlər nazirinin müavini Sergey Ryabkova istinadla yazdığına görə, cümə gününə təyin edilən görüş Arktika Şurasının nazirlər səviyyəsində keçiriləcək sessiyası çərçivəsində baş tutacaq.
Müzakirələr ABŞ Dövlət Departamenti tərəfindən də təsdiq edilib.
“Xarici İşlər naziri Lavrov və dövlət katibi Pompeo orada olarkən görüş imkanı əldə edəcək və istədikləri mövzunu müzakirə edə biləcək”, – Dövlət Departamentinin rəsmisi bildirib.
S.Lavrov mayın 1-də Maduronu hakimiyyətdə qalmağa Rusiyanın təhrik etdiyinə dair ABŞ-ın bəyanatlarını rədd etmişdi.
Rusiya Xarici İşlər naziri mayın 2-də Daşkənd şəhərində jurnalsirlərə deyib: “Biz Venesuela da daxil olmaqla, bütün əlaqələrimizi davam etdirmək barədə razılığa gəlmişik, hərçənd necə nəticə əldə ediləcəyini bilmirəm. Bir tərəfdə bizim BMT Nizamnaməsinə və beynəlxalq qanunlara əsaslanan mövqeyimiz var, digər tərəfdən isə ABŞ başqa bir ölkəyə prezident əvəzi təyin edib. Bu mövqelər bir araya sığmır, amma biz yenə də danışmağa hazırıq”.
