Rusiya Qarabağla bağlı mövqeyini açıqladı
Rusiya Dağlıq Qarabağ münaqişəsinin siyasi yolla həll olunmasına tərəfdardır.
Rakus.az xəbər verir ki, bu barədə Ermənistanın baş naziri Nikol Paşinyanın Vyanada Azərbaycan Prezidenti İlham Əliyevlə görüşündən sonra verdiyi bəyanatları şərh edən Rusiya Xarici İşlər Nazirliyinin sözçüsü Mariya Zaxarova bildirib.
O deyib ki, konkret fikirlərə qiymət verə bilməsəm də, Rusiyanın bu məsələnin siyasi yolla həllinə tərəfdar olduğunu bir daha təsdiq edə bilərəm. Rusiya rəsmisi sözügedən məsələdə, ilk növbədə, tərəflər arasında qarşılıqlı razılaşmalara üstünlük verdiklərini söyləyib.
“Əgər müəyyən məsələlərə və ya məqamlara dair mövqelər yaxınlaşırsa, biz bunu alqışlayırıq. Əgər bununla bağlı vasitəçilik etmək lazımdırsa, onda biz də ATƏT-in Minsk qrupu həmsədri olaraq öhdəliklərimiz çərçivəsində, əlbəttə ki, bu yardımı göstərməyə hazırıq. Prosesləri dəstəkləyir, təmasları saxlayırıq”, – M.Zaxarova fikrini tamamlayıb. (Report)
