Aqil Abbas Makronu qudurmuş adlandırdı - FOTO
“Makron qudurub. Fransada erməni lobbisi yoxdur. Bu, Fransanın türklərə münasibətidir. Fransa Türkiyənin qələbələrini həzm edə bilmir”.
Rakus.az xəbər verir ki, bunu parlamentin bu gün keçirilən plenar iclasında deputat Aqil Abbas deyib.
“Prezident deyir ki, status-kvo gorbagor oldu. İndi Minsk qrupunu Ankara və Bakı əvəz edir. İndi Dağlıq Qarabağ da yoxdur. Qarabağ var. Bunu Putin də dedi. Sən Allah, bu ATƏT-in Minsk qrupundan az danışın. Camaat qorxur”, – deputat əlavə edib.
Deputat Qüdrət Həsənquliyev isə bildirib ki, vaxtilə rəhmətlik Heydər Əliyev Fransanın ATƏT-in Minsk qrupunda olmasına etiraz edirdi. Fransa tərəfi isə dedi ki, ədalətli olacaqlar.
Onun sözlərinə görə, Fransada çoxlu sosial problemlər var:
“Onlar cəmiyyətin diqqətini daxili problemlərdən yayındırmaq istəyir. Biz Fransa senatı ilə bütün əlaqəmiz kəsməliyik. Fransa senatının qəbul etdiyi qətnaməni düşmənçilik aktı kimi qiymətləndirməliyik”.
