Ana və 2 yaşlı körpəsi dağıntılar altından çıxarıldı – 28 saat sonra - FOTO
Türkiyədə baş verən zəlzələdən sonra dağıntıları altında qalan insanların xilas etdirilməsi işləri davam etdirilir.
Rakus.az xəbər verir ki, bu barədə “Anadolu” agentliyindən məlumat verilir.
Bildirilir ki, Elazığın Mustafa Paşa məhəlləsində zəlzələ zamanı dağılan binada 2 yaş yarımlıq Yüsra Yıldız 24 saat sonra xilasedicilər tərəfindən xilas edilib. Məlumata görə, bundan 4 saat sonra azyaşlının dağıntılar arasında qalan anasının sağ olduğu məlum olub. Xilasedicilər azyaşlının anası Ayşə Yıldızı da dağıntılar altından çıxarıblar. Ana və övladı xəstəxanaya yerləşdirilib.
Xatırladaq ki, yanvarın 24-də Türkiyənin Elazığ və Malatya şəhərlərində 6,8 bal gücündə zəlzələ olub. Nəticədə 31 nəfər ölüb, 1556 nəfər yaralanıb.
Şəhərdə axtarış-xilasetmə işləri davam etdirilir.
