Amerikalılara Çinə səyahət etməmək xəbərdarlığı olundu
Tramp administrasiyası amerikalılara Çinə səyahət etməmək barədə xəbərdarlıq edib, çünki orada koronavirusa yoluxanların sayı artmaqda davam edir.
Rakus.az xəbər verir ki, Dövlət Departamenti Səyahət Əleyhinə 4-cü dərəcəli xəbərdarlıq irəli sürüb. Dövlət Departamenti həmçinin hazırda Çində olan hər kəsi ölkəni tərk etməyə çağırıb.
ABŞ-ın Xəstəliklərə Nəzarət və Profilaktika Mərkəzi (CDC) çərşənbə axşamı 3-cü dərəcəli xəbərdarlıq irəli sürmüş, amerikalıları Çinə vacib olmadığı təqdirdə səfər etməməyə çağırmışdı.
CDC bildirib ki, çərşənbə günü Uhandan evakuasiya edilən 195 amerikanı sərnişinin heç birində konoranvirusun simpotmlarının olmadığını bildirib. Onlar ən azı bu həftənin sonunadək ABŞ-ın Kalifroniyadakı hərbi bazasında qalacaq.
Ümumdünya Səhiyyə Təşkilatı çərşənbə günü Uhanda başlayan və Çindən 18 ölkəyə yoluxan koronavirus epidemiyasını səhiyyə sahəsində qlobal fövqəladə vəziyyət elan edib.
Bu isə o deməkdir ki, Ümumdünya Səhiyyə Təşkilatı epidemiyanı koordniyasıa edilmiş beynəlxalq tədbirlərin görülməsini tələb edən “qeyri-adi hal” olaraq görür.
Ekspertlər virusun insanlardan digər insanlara keçdiyinə dair dəlillərin olduğunu deyir.
CDC cümə axşamı virusun ilk dəfə olaraq ABŞ-da insandan insane keçdiyi barədə məlumat yayıb. Həkimlər deyir ki, Uhana səyahət etmiş bir qadın virusu ərinə yoluxdurub. O, Bİrləşmiş Ştatlarda virusa yoluxan altıncı şəxsdir.
Hindistan və Filippində də cümə axşamı ilk yoluxma halları qeyd alınıb. Koronavirusa yoluxma hallarının olduğu digər ölkələr arasında isə Avstraliya, Kanaa, Finlandiya, Fransa, Almaniya, Honkonq, Yaponiya, Nepal, Sinqapur, Cənubi Koreya, Tailand, Birləşmiş Ərəb Əmirlikləri və Vyetnam var.
Çinin sağlamlıq komissiyası cümə günü bildirib ki, orada yoluxma halları artıq 9 mini keçib. Bu isə bir gün öncə ilə müqayisədə 1500 nəfər daha çoxdur. Təxminən 220 nəfər vrisu səbəbilə həyatını itirib.
