Avropa İttifaqı sərhədlərini açdı
Avropa İttifaqına (Aİ) üzv olan ölkələr koronavirus pandemiyasının geniş yayılmasının qarşısını almaq üçün bir sıra məhdudiyyətlər, həmçinin səyahət məhdudiyyəti tətbiq etmişdi.
akus.az xəbər verir ki, hHazırda turizm sənayesini canlandırmaq üçün Aİ-yə üzv olan 27 ölkə üçün sərhədlərin açılması nəzərdə tutulur.
Aİ quruma üzv olan ölkələrə tövsiyə edib ki, iyunun 15-dən etibarən yalnız quruma üzv olan ölkələr üçün sərhədlər açılsın. Bəzi ölkələr bu gündən etibarən səyahət məhdudiyyəti ilə bağlı qəbul edilmiş qaydaları aradan qaldımağı planlaşdırır.
Belə ki, İtaliya koronavirus pandemiyasından tutulanlar arasında dünyada ən böyük antirekord qeydə alınan ölkələr sırasında idi, iyunun 3-dən İtaliya sərhədlərinə yalnız Aİ ölkələrinin turistləri üçün açıb. Bolqarıstan, Xorvatiya, Macarıstan, Latviya, Litva, Estoniya, Slovakiya və Sloveniya da səyahət məhdudiyyətlərini qaldırmağa başlayıb.
Polşa iyunun 13-dən etibarən Aİ-nın bütün üzvlərinə və İngiltərəyə sərhədlərini yenidən açıb. İsveç isə ötən müddət ərzində heç vaxt sərhədlərini bağlamayıb. Belçika, Fransa və Yunanıstan bu gündən etibarən Avropa daxilində gediş-gəliş üçün məhdudiyyətləri aradan qaldırır. Avstriya iyunun 16-da cəmi 31 ölkə ilə səyahət məhdudiyyətlərini qaldıracaq – lakin Portuqaliya, İspaniya, İsveç və Birləşmiş Krallıq üçün səyahət məhdudiyyətləri qüvvədə qalacaq. Çex Respublikası bu gündən etibarən bir sıra Avropa ölkələrinə məhduyyətləri ləğv edir, lakin koronavirus pandemiyasının səviyyələrinə görə risk hesab olunanlara məhdudiyyətlər hələ də qalmaqdadır.
Xatırladaq ki, dünyada koronavirusa yoluxanların sayı 8 milyonu ötüb.
