ASPF növbəti uğura imza atdı
Azərbaycan Sindo-ryu və Pençak-silat Federasiyası (ASPF) növbəti uğura imza atıb.
Rakus.az xəbər verir ki, ASPF-in prezidenti Abbas Hünbətov deyib ki, federasiya Dünya Karate Konfederasiyasına (DKF) şorin-ryu üzrə üzv seçilib. Bu barədə federasiyaya xüsusi məktub göndərilib. Məktub mərkəzi Serbiyada yerləşən beynəlxalq federasiyanın prezidenti Marko Nikoviç tərəfindən imzalanıb. Hazırda bir neçə mötəbər beynəlxalq idman qurumu ilə üzvlüklə bağlı danışıqlar gedir və yaxın günlərdə əməkdaşlıq barədə ictimaiyyətə məlumat veriləcək.
Əllidən artıq ölkədən federasiya və idman qurumlarının üzv olduğu DKF-nin rəhbəri yeni üzvlüklə bağlı ASPF-ni təbrik edib, gələcək əməkdaşlıqda uğurlar arzulayıb.
Bir neçə ay əvvəl A.Hünbətova Dünya Karate Konfederasiyası tərəfindən şorin-ryu üzrə 5-ci dan lisenziyası təqdim olunub.
A.Hünbətov bildirib ki, hazırda koronavirus pandemiyasına görə, idman yarışları dayanıb. Buna baxmayaraq beynəlxalq idman qurumları ilə sıx əməkdaşlıq edirik və turnirlərin yeni təqviminin hazırlanması istiqamətində müzakirələr aparılır. Federasiyanın idmançıları üçün fərdi məşqlərini keçmələri üçün ASPF tərəfindən hər cür şərait yaradılıb. Ümid edirəm ki, tezliklə dünyamız koronavirus pandemiyasından qurtulacaq və idmançılarımız uğurları ilə xalqımızı sevindirməyə davam edəcəklər.
