İqtisadi 22.11.2019 11:55

“Əsrin Müqaviləsinin” 25 illiyi münasibətilə tədbir keçirildi - FOTO - VİDEO

Vaşinqtonda 1994-cü ildə Xəzər Dənizinin Azərbaycan sektorundakı neft yataqlarının xarici şirkətlərə hasilat üçün verilməsi məqsədilə imzalanan Əsrin Müqaviləsi adlandırılan razılığın 25 illiyinə həsr olumuş tədbir keçirilib.

Rakus.az xəbər verir ki, tədbirdə çıxış edən Azərbaycanın Sənaye və Energetika naziri Pərviz Şahbazov çox mürəkkəb bir dövrdə ümummilli lider Heydər Əliyevin qətiyyəti sayəsində imzalanmış “Əsrin müqaviləsi”nin ölkəmizi transmilli enerji və kommunikasiya layihələrinin müəllifinə, qlobal enerji təhlükəsizliyinin təminatında etibarlı tərəfdaşa çevirən, Xəzər dənizində beynəlxalq əməkdaşlığı və uzunmüddətli inkişafı təmin edən geosiyasi və geoiqtisadi əhəmiyyətindən bəhs edib. Ölkənin neft sektoruna yeni texnologiyaların, 100 mlrd. ABŞ dollarından çox sərmayənin cəlbi, yeni neft-qaz layihələrinin işlənilməsi, 146 mlrd. dollardan çox gəlir əldə edilməsi və neft gəlirlərinin sosial məsələlərə, xalqın rifahına, insan kapitalının və iqtisadiyyatın inkişafına yönəldilməsi 25 ilin nailiyyətləri kimi qeyd edilib. Bildirilib ki, indiyə kimi 496 mln.ton neft və 163 mlrd. kubmetr qazın hasil olunduğu “Azəri-Çıraq-Günəşli” yataqları üzrə bu müqavilənin töhfələri bir əsrlə məhdudlaşmır. Müddətinin daha 30 il uzadılması ilə “iki əsrin müqaviləsi” statusunu qazanan bu tarixi razılaşma gələcəkdə də Azərbaycanın inkişafında, beynəlxalq tərədaşlarla münasibətlərin möhkəmləndirilməsində mühüm rol oynayacaq.

Nazir Pərviz Şahbazov deyib ki, “Əsrin müqaviləsi”nin bu ardıcıl nəticələri Azərbaycanın dayanıqlı inkişaf məqsədlərinə doğru addımlarını möhkəmləndirir: “Eyni zamanda Prezident İlham Əliyevin rəhbərliyi ilə hazırda həyata keçirilən çoxşaxəli dərin islahatlar kursu ölkənin gələcəkdə də hərtərəfli və davamlı inkişafına güclü dəstəyi təmin edir”.

Energetika naziri Azərbaycanın enerji siyasəti kursunun həyata keçirilməsində xarici enerji şirkətləri ilə tərəfdaşlıq münasibətlərini və ABŞ-ın davamlı dəstəyini yüksək qiymətləndirib. ABŞ ilə münasibətlərdə enerji sektorunun həmişə strateji əhəmiyyət daşıdığını vurğulayan nazir bildirib ki, Birləşmiş Ştatlar Azərbaycanın enerji ilə bağlı bütün təşəbbüslərində qətiyyətli tərəfdaşı olub: “Qlobal enerji təhlükəsizlik layihəsi “Cənub Qaz Dəhlizi”nin reallaşmasında da ABŞ-ın güclü siyasi dəstəyi mühüm rol oynayıb. Cənub Qaz Dəhlizi Prezident Donald Trampın da ifadə etdiyi kimi enerji sahəsində əməkdaşlığımızın zirvəsidir. Gələn il “Cənub Qaz Dəhlizi”nin tam işə düşməsi ilə birgə əməkdaşlığımızın daha bir uğuruna nail olacağıq”, deyə nazir əlavə edib.

ExxonMobil şirkətinin baş müşaviri Stiv Mann “Azeri” və “Çıraq”, yataqları habelə boru kəmərlərinin Azərbaycanın müstəqillik ve suverenliyi üçün mühüm olduğunu söyləyib və 25 il öncə Azərbaycana sərmayə qoyan şirkətləri getdikləri riskə görə alqışlayıb.

ABŞ-ın Azərbaycandakı sabiq səfiri Riçard Morninqstar ABŞ-ın Xəzər Dənizi siyasətindən bəhs edib və 1990-cı illərdə başladılan Xəzər Dənizi siyasətinin müsbət tərəflərindən birinin hər iki partiyanın bu siyasəti dəstəkləməsi olduğunu deyib.

“90-cı illərdə tərtib olunan siyasət indi də çox dəyərlidir. O zaman orada çox sayda yeni ölkə yaranmışdı və biz onların müstəqilliklərini qoruyub irəlilətmək istəyirdik”, o deyib.

Morninqstar bəzi çətinliklələrə baxmayaraq Azərbaycanla ABŞ arasında enerji sahəsindəki əməkdaşlığın hər zaman müsbət olduğunu deyib.

“Heç nə bizim enerji sahəsindəki müsbət əməkdaşlığımıza maneə törədə bilmədi”, o söyləyib.

Tədbirdə həmçinin ABŞ-ın enerji nazirinin müavini Mark Menezes də iştirak edib.

Frank Menezes deyib ki, ABŞ-la Azərbaycanın qobal marketlərdə enerji marşrutları və resurslarını şaxələndirmək üçün zəruri olan neft və qaz dəhlizi yaratmaq məqsədimi birdir.

“Azərbaycan Cənub Qaz Dəhlizi və Bakı-Tbilisi-Ceyhan neft boru kəməri vasitəsilə Xəzər Dənizindən Avropa İttifaqınadək uzanan dəyər lövbərinə çevrilib”, o deyib.

Azərbaycan Respublikasının Dövlət Neft Şirkətinin vitse-prezidenti Elşad Nəsirov çıxışı zamanı Azərbaycanın heç vaxt digər ölkələr üzərində dominantlıq etmək üçün enerjidən istifadə emədiyini dedi.

“Bu tədbirin məqsədi ölkənin, regionun və dünyanın bu mühüm əməkdaşlıq sayəsində əldə etdiyi uğurları qeyd etməkdir”, o qeyd edib.

Tədbir Vaşinqtonda fəaliyyət göstərən Xəzər Siyasət Mərkəzi tərəfindən təşkil olunub. Təşikatın müşavirləri arasında ABŞ-ın Azərbaycandakı sabiq səfiri Robert Sekuta, ABŞ dövlət katibinin Cənubi və Mərkəzi Asiya işləri üzrə sabiq müavini Riçard Hoaqland var.

Tədbirdə Azərbaycan, ABŞ, Qazaxıstan və Türkiyə daxil olmaqla bir sıra ölkədən qonaqlar iştirak edib.

 

XƏBƏR LENTİ
Sosial / 18.11.2026 09:07
“Varlı oğlan istəyirdim, amma qismət” – “Arzunun vaxtı”
İdman / 18.11.2026 00:04
Xatirə Turnirinin yarımfinal və 3-cü yer oyunları – yaddaqalan anlar və kadrlar - FOTO
Mədəni / 17.11.2026 17:52
Məşhur aktrisanın keşməkeşli həyat yolu – RETRO BAKU
İdman / 17.11.2026 09:16
Yarımfinal və 3-cü yer oyunlarının mənzərəsi – bombardirlər CƏDVƏLİ - FOTO - VİDEO
Gündəm / 17.11.2026 00:01
Azərbaycanda Milli Dirçəliş Günü qeyd olunur
İdman / 16.11.2026 08:41
Yarımfinal və 3-cü yer oyunlarının nəticələri - FOTO
İdman / 15.11.2026 19:02
AnewZ Xatirə Turnirində 3-cü yeri tutub
Maraqlı, Mədəni / 14.11.2026 21:56
Aşağı Gövhərağa məscidinin minarəsində hansı sirr var? – ARAŞDIRMA- RETRO BAKU - VİDEO
İdman / 14.11.2026 18:22
ATV və Əmirxeyir finala vəsiqə qazanıb - FOTO
Maraqlı, Siyasi, Sosial / 13.11.2026 14:27
Qərbi Azərbaycan Həqiqətləri: Oxçuoğlunun izlərini necə yox etdilər? - FOTO - VİDEO
İdman / 13.11.2026 00:12
ATV-Ardanış, Əmirxeyir-AnewZ – Finalçılar bəlli olur - FOTO
Siyasi, Təhlil / 12.11.2026 17:02
Azərbaycan türklərinin Ermənistanda varlığının qalası – Göy məscid - FOTO
Maraqlı, Siyasi, Sosial / 12.11.2026 10:04
Qərbi Azərbaycan Həqiqətləri: Ərəb qrafikalı məzar daşları - FOTO - VİDEO
İdman / 12.11.2026 00:02
Xatirə Turnirinin 1/4 oyunları – yaddaqalan anlar və kadrlar - FOTO
Gündəm / 12.11.2026 00:01
Bu gün Azərbaycanda Konstitusiya Günüdür
Maraqlı, Siyasi, Sosial / 11.11.2026 16:16
Qərbi Azərbaycan Həqiqətləri: Molla Eyyublunun silinən keçmişi - FOTO - VİDEO
İdman / 11.11.2026 12:16
Şəhid Jurnalistlərin Xatirə Turniri – 1/4 oyunların mənzərəsi: qollar, oyun və bombardirlər CƏDVƏLİ - FOTO - VİDEO
Maraqlı, Siyasi, Sosial / 09.11.2026 15:35
Qərbi Azərbaycan Həqiqətləri: Qaraqayanın unudulmayan tarixi - FOTO - VİDEO
İdman / 09.11.2026 12:16
Xatirə Turnirində 1/4 oyunlarının nəticələri - FOTO
İdman / 08.11.2026 19:22
Yarımfinalçılar bəlli oldu - FOTO
Maraqlı, Siyasi, Sosial / 07.11.2026 17:35
Qərbi Azərbaycan həqiqətləri: Haqqıxlı kəndinin adı niyə dəyişdirildi? - FOTO - VİDEO
Hərbi, Siyasi, Təhlil / 06.11.2026 16:09
Zəfər Günü – regionda yad hegemonluğun sonu - FOTO
İdman / 06.11.2026 00:22
Şəhid Jurnalistlərin Xatirə Turnirində 1/4 oyunları həftə sonu başlayır - FOTO
Dünya, Siyasi, Təhlil / 04.11.2026 17:46
ABŞ-də ara seçkisi – cəmiyyətin hakimiyyətə ziddiyyətli baxışı – TƏHLİL - FOTO
İdman / 04.11.2026 00:06
Xatirə Turnirinin 6-cı turu – yaddaqalan anlar və kadrlar - FOTO
Siyasi, Sosial / 03.11.2026 15:23
Qərbi Azərbaycan həqiqətləri: Alagözün əhalisi bir əsrdə necə dəyişdi? - FOTO - VİDEO