“Zəfər 44” uduzdu, “Ardanış” qrupu lideri oldu - FOTO
Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə bu gün, sentyabrın 22-də Azərbaycanın şəhid jurnalistlərinin xatirəsinə həvəskar komandalardan ibarət 3-cü Ənənəvi Minifutbol Turnirində 2-ci tur üzrə növbəti oyun keçirilib.
Rakus.az xəbər verir ki, C qrupunda saat 19:00-da “Ardanış” “Zəfər 44” ilə qarşılaşıb.
Qarşılıqlı mübarizə şəraitində keçən görüş demək olar bərabər səviyyədə olub. Oyunun ilk dəqiqələrində nizamlı oyunu ilə seçilən ardanışlılar hücumçu Əsgər İbrahimovun qolu ilə önə keçib. Ardınca Emin İmaməliyev təcrübəsindən yararlanaraq çox baxımlı qol vurub. İlk hisə 2:0 başa çatıb. Fasilədən sonra Emin Ələsgərov un qolu ilə hesab 3:0 Ruhdan düşməyən hərbçilər daha inamlı oyun nümayiş etdirərək rəqibin qapısından üç top keçirməyi bacarıblar. Lakin oyunun sonlarına doğru təcrübə öz sözünü deyib. Belə ki, Əsgər İbrahimov bir, Emin İmaməliyev fərdi ustalıq hesabına iki qol vuraraq oyuna son nöqtəni qoyub – 6:3.
Beləliklə, aktivinə 6 xal yazdıran “Ardanış” qrupu lider tamamlayıb.
“Zəfər 44” isə ilk matçında yaxşı təsir bağışladı və son oyununu AZƏRTAC-a qarşı keçirəcək.
Komandaların heyətləri belədir:
“Ardanış” – Elvin İsmayılov, Azər Hüseynov, Elçin Zeynalov, Elçin İsmayılov, Ramiz Hüseynov, Elşən Nəsibov, Vüsal Hüseynov, Emin Ələsgərov, Ayxan Abbasov, Emin İmaməliyev, Ramin Musayev, Əsgər İbrahimov, Rasim Həsənov.
“Zəfər 44” – Saməddin Əhmədov, Bayramov Ruslan, Mahmudov Fərrux, Əliyev Babək, Zülfuqarov Elçin, Fərzəliyev Murad, Qafarli İsmayil, Rufullayev Mirəhməd, Teyyubov Ramin, Məmmədov Dilqəm, Asif Məmmədov, Rövşən İsmayilov.
Bakı Tennis Akademiyası
22 sentyabr
C qrupu
20:00
“Ardanış” – “Zəfər 44” – 6:3
Qollar: Emin İmaməliyev 3, Əsgər İbrahimov 2, Emin Ələsgərov 1 – (“Ardanış”)
Ruslan Bayramov 1, Babək Əliyev 1, Saməddin Əhmədov 1 – (“Zəfər 44”)
Hakimlər: Elgün Hüseynov, İmran Məhərrəmov – AFFA
NÖVBƏTİ OYUNLARIN TƏQVİMİ
28 sentyabr
III tur
A qrupu
19:00 “Veteranlar” – “Turan”
B qrupu
20:00 Baku WS – “Gənclər”
29 sentyabr
C qrupu
19:00 AZƏRTAC – “Zəfər 44”
D qrupu
20:00 “Göyçə” – AzTV
5 oktyabr
4/1
A1-B2 – 19:00
A2-B1 – 20:00
6 oktyabr
C1-D2 – 19:00
C2-D1 – 20:00“
12 oktyabr
YARIMFİNAL
A1-C2 – 19:00
D2-B1 – 20:00
13 oktyabr
19:00 – 3-cü yer
20:00 – FİNAL-Bağlanış-Mükafatlandırma
Xatırladaq ki, Ardanış Futbol Akademiyasının və Rakus.az saytının təşkilatçılığı, Bakı Tennis Akademiyasının dəstəyi ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayev, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir. Bu il turnirdə 12 komanda – “Ardanış, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər”, “Qoşabulaq” və “Göyçə” adı altında mübarizə aparacaq. Turnirdə Azərbaycan mediasını 4 komanda təmsil edir.
“Mister Tum”, “Sultan keramik” və “Bee Tours” şirkətlərinin tərəfdaşlığı ilə keçirilən Ənənəvi Xatirə Turnirinə informasiya dəstəyini Azərbaycan Dövlət Televiziyası (AzTv), Baku TV, AZƏRTAC, “Report” İnformasiya agentlikləri, BAKU.WS portalı, Rakus.az və Manşet.az saytaları verir. Bu il turnirdə 10-12 komanda – “Ardanış, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər”, “Qoşabulaq” və “Göyçə” adı altında mübarizə aparacaq. Turnirdə Azərbaycan mediasını 4 komanda təmsil edir. İştirakçılar arasında 44 günlük Vətən müharibəsi zamanı ön cəbhələrdən şəhid həmkarları kimi operativ xəbərlər, reportajlar hazırlayan jurnalistlər də var.
Turnir hər birində 3 komanda olmaqla 4 qrupdan ibarət olacaq, sentyabrın 14-də başlayıb oktyabrın 19-da başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksələcək. Bu oyunlarında iştirak edəcək 8 komandadan qalib gələn 4 komanda yarımfinala çıxacaq. Yarımfinalda A1-in qalibi B1-in qalibi ilə, C1-in qalibi D1-nin qalibi ilə görüşəcək. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaq. Turnirin razılaşdırılmış qaydasına əsasən, qarşılaşmalar hər biri 25 dəqiqə olmaqla iki hissədən ibarətdir. Yarımfinal və final oyunları zamanı əsas vaxtda qalib müəyyənləşməzsə, penalti təyin olunacaq. AFFA hakimlərinin idarə edəcəyi turnirin Təşkilat Komitəsi iştirakçı komandaların nümayəndələrindən təşkil olunur və hər bir problemli məsələ komitə tərəfindən verilən qərarla həll edilir. Komandaların 12 nəfərlik heyətində yarış başa çatanadək heç bir dəyişiklik reallaşdırılmayacaq.
Oyunlar şənbə və bazar günləri saat 19:00, 20:00-da keçirilir. Oyunları AFFA-nın hakimləri idarə edir. Final oyunu isə oktyabrın 13-də baş tutacaq. Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “nümunəvi komanda” nominasiyaları üzrə kubok, medal və hədiyyələr nəzərdə tutulub.
