Azərbaycanda KVN ölüb
“Ümid edirəm ki, gələcəkdə uşaqlara siz şitsiniz, bayağısınız, amma “Bu şəhərdə” nələr yaradıb, gedib deyəcəklər. Əfsuslar olsun ki, bir çox insanlar da ya açıq söyüş olur, ya da söyüşə işarə olur. Çeynənilmiş formada mən filan şeyi demirdim, başqa şeyi nəzərdə tuturdum deyə, o qədər xırdalayırlar ki… “Bu şəhərdə”də bayağılıq, şitlik ola bilər, ancaq söyüş heç vaxt ola bilməz”.
Rakus.az xəbər verir ki, bu sözləri “Söhbətsiz” proqramında qonaq olan “Bu şəhərdə”nin senaristi Müşviq Abbasov deyib.
O, yazdığı bəzi senarilərdən utandığını da dilə gətirib:
“Evli olandan sonra subay vaxtı yazdığım senarilərə görə utanmışam. Bu gün də utanıram. Evli insan məsələlərə başqa rakursdan baxır. Düzdür, elə insanlar var ki, onlara evlilik də təsir etmir. Hələ də söyüşlü zarafatlar edirlər”.
Sənətçi bildirib ki, hazırda KVN-in fəaliyyəti dayanıb:
“Anar Məmmədxanov dünyasını dəyişdi, “Parni iz Baku” fəaliyyətini dayandırdı. Bununla da, Azərbaycanda KVN öldü, yoxdur. KVN potensiallı insanlar yetişdirmir. Hansı ki, bu gün Azərbaycan şou-biznesini, əyləncəli verilişləri formalaşdıra bilərdilər. Əgər Anar Məmmədxanov sağ qalsaydı, çempionatlar davam etsəydi, bu gün daha çox rəqabət olardı, şitlik, bayağılıq, söyüşlü məqamlar kənarda qalardı”.
“Bu şəhərdə” tək Coşqun və Rəfaeldən ibarət deyil, böyük komandamız var. Hazırda biz bir nömrəyik” deyə, M.Abbasov söyləyib.
O, Əməkdar artist Tahir İmanovun “Coşqun aktyor olaraq Rəfaeldən yaxşıdır” fikirlərinə də münasibət bildirib:
“Çingiz Abdullayev, Yaşar Nuri kimi sənətçilər səhvlərimizi deyib, bizi tənqid edib, demişik ki, baş üstdə, ağsaqqal. Biz onları düzgün qəbul etmişik. Amma elə insanlar var ki, onlar bizim üçün tamaşaçı qismindədir. Tamaşaçı fikridir. Bizim üçün Rəfaeldən və Coşqundan başqa hər kəs tamaşaçıdır. Sadəcə hər kəsin bir sənəti var”.
“Dəfələrlə işdəna zad olunan dövlət məmuruna zəng edib, dəvətnamə yollamışam. Bu, mənim prinsipimdir. O insan da yaxşı mənada şoka düşüb” deyə, M.Abbasov bildirib.
