Baku.ws saytının 22 yaşı tamam olur
Yanvarın 5-də Baku.ws saytının fəaliyyətə başlamasından 22 il ötür.
Rakus.az xəbər verir ki, Baku.ws yarandığı ilk günlərdən məhdud kollektiv və imkanlarla ölkənin internet resursları arasında öz sözünü deməyi bacarıb. Peşəkarlıq və operativlik yarandığı ilk günlərdən Baku.ws-ə populyarlıq qazandırıb.
Bu gün sayt Azərbaycan, rus və ingilis dillərində fəaliyyət göstərən ən oxunaqlı, operativ və etibarlı xəbər istehsalçılarından biridir. Baku.ws-də Azərbaycanın siyasi, iqtisadi, sosial, mədəni və idman həyatına dair xəbər, analitik yazı, reportaj, müsahibə və araşdırmalar, eyni zamanda regionda və dünyada baş verən ən son xəbərləri izləmək mümkündür.
Daim eksklüziv xəbərlərlə oxucuların rəğbətini və etimadını qazanan Baku.ws 22 il ərzində Azərbaycan seqmentində etibarlı KİV resurslarından birinə çevrilərək bu statusunu bu günədək qoruyub saxlayır.
Baku.ws Azərbaycanın “Instagram” seqmentində də öz sözünü demiş, ən oxunaqlı və etibarlı səhifə adını qazanıb. Səhifənin izləyici sayı 1.5 milyona yaxındır, paylaşımlar isə ay ərzində 300-450 milyona yaxın baxış toplayır. Bu rəqəmlər oxucuların Baku.ws-ə olan etibarının göstəricisidir.
Azərbaycanda təşkil olunan xeyriyyə aksiyaları saytın daim diqqətində olub. Baku.ws 22 il ərzində bir çox xeyriyyə aksiyalarına qatılıb, ehtiyaclı və aztəminatlı insanlara dəstək olub və onların problemlərinin həllində yaxından iştirak edib.
Baku.ws 22 il ərzində bir çox mükafat qazanıb, populyarlaşıb və Azərbaycanın aparıcı kütləvi informasiya vasitələrindən birinə çevrilib.
Həmkarlarımızı təbrik edir, gələcək fəaliyyətində uğurlar arzulayırıq.
