Ailəmizin 60 faizdən çoxu erməni mənfurlarının əlində can verib
Bu gün Qərbi Azərbaycan Xronikası layihəsi çərçivəsində hazırlanan “Həyat hekayəsi” verilişinin növbəti buraxılışı efirə gedib.
Rakus.az xəbər verir ki, bugünkü buraxılış valideynləri Qərbi Azərbaycandan deportasiya olunan zaman Bakı-Zəngilan qatarında dünyaya göz açan Namiq Muradovun həyat hekayəsinə həsr olunub.
Onun ailəsi əslən Zəngəzur mahalının Qafan rayonundandır və 1988-ci ildə ermənilər tərəfindən məcburən deportasiyaya məruz qalıb.
O başına gələn hadisələri valideynlərinin söylədikləri əsasında xatırlayaraq deyir ki, Xətai rayonundakı 2 nömrəli xəstəxanaya gələrkən həkimlərin sağ qalacağıma ümidi olmayıb: “Mən 1988-ci ildə, dekabr ayında soyuq bir qış günündə qatarda anadan olmuşam. Nənələrimin, babalarımın, valideynlərimin dilində Qafan həsrəti, Qafan niskili, bunu hər anımda, hər saniyəmdə duymuşam. Məni 16 gün sonra həkimlər anamın qucağına verərkən bəlkədə öldü, son nəfəsidir deyiblər. Amma Tanrıya şükürlər olsun ki, mən yaşamışam. Nənəmin qucağında yaşamışam və dünyaya yeni bir nəfəs açmışam”.
Onun sözlərinə görə, ailəsi 3 dəfə – 1905, 1918 və 1988-ci illər genosid-deportasiyası yaşayıb: “İstər ata, istərsə də ana tərəfim 3 dəfə soyqırımlara məruz qalıb. Ailəmizin 60 faizdən çoxu erməni mənfurlarının əlində can verib. Nəyə görə?! Çünki onlar türk idi, onlar Qərbi Azərbaycanın haqlı sahibləri idi. Bu gün mənim fikrim, amalım odur ki, nə zamansa babamın, atamın, anamın eli-obası olan Qərbi Azərbaycanı görüm, Zəngəzuru görüm.
Kalmıkiya Dövlət Universitetinin tarix fakültəsini bitirən N.Muradov bu universitetin yaradılmasının 50 illiyinə həsr edilmiş “Şərəf” medalı qazanmağa nail olan yeganə azərbaycanlı kimi, 2022-ci ilin oktyabr ayında medal təqdimatında erməni milliyətindən olan tələbələrə Qərbi Azərbaycanın məxsusi sakini olduğunu xatırladıb və ermənilər zalı tərk edib.
O, hər zaman övladlarına soy kökləri barədə daim məlumatlandırdığını söyləyib və deyib ki, müzəffər Ali Baş Komandanıçızın rəhbərliyi altında biz yenidən öz torpaqlarımıza, doğma Qafana, atamın-anamın bğyüdüyü o doğma Qafan şəhərinə qayıdacağıq: “Qafanın kəndlərini görmək, Qasfanın büllür bulaqlarından dadmaq mənim övladlarımın haqqıdır. Mən əminəm ki, qısa bir müddətdə ora qayıdacağıq. Ora mənim ata-ana yurdumdur, baba yurdumdur, mən ora niyə qayıtmayım?! Bu, mənim haqqımdır”.
Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri – qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.
Həmçinin Prezident İlham Əliyevin Qərbi Azərbaycanla bağlı dediyi “XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin”, – fikrini əsas tutaraq Qərbi Azərbaycan İcmasının hazırladığı Qayıdış Konsepsiyasında irəli gələn vəzifələrin təbliğidir.
Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.
Namiq Muradovun “Həyat hekayəsi”nə mayın 26-da saat 19:30-da Baku Tv-nin efirində və saat 21:00-da Youtube kanalında azərbaycan və rus dilində baxa bilərsiniz.
